| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 36.21 | Dem. 36.23 (English) | >>Dem. 36.26 |
36.22νομίζω τοίνυν , ὦ ἄνδρες Ἀθηναῖοι , μεγάλων καὶ πολλῶν ὄντων ἐξ ὧν ἔστιν ἰδεῖν οὐκ ἀδικοῦντα Φορμίωνα τουτονί , μέγιστον ἁπάντων εἶναι , ὅτι Πασικλῆς , ἀδελφὸς ὢν Ἀπολλοδώρου τουτουί , οὔτε δίκην εἴληχεν οὔτʼ ἄλλʼ οὐδὲν ὧν οὗτος ἐγκαλεῖ . καίτοι οὐ δήπου τὸν μὲν παῖδʼ ὑπὸ τοῦ πατρὸς καταλειφθέντα , καὶ οὗ τῶν ὄντων κύριος ἦν , ἐπίτροπος καταλελειμμένος , οὐκ ἂν ἠδίκει , σὲ δέ , ὃς ἀνὴρ κατελείφθης τέτταρα καὶ εἴκοσιν ἔτη γεγονώς , καὶ ὑπὲρ σαυτοῦ ῥᾳδίως ἂν τὰ δίκαιʼ ἐλάμβανες εὐθύς , εἴ τι ἠδικοῦ . οὐκ ἔστι ταῦτα . ὡς τοίνυν ταῦτʼ ἀληθῆ λέγω καὶ ὁ Πασικλῆς οὐδὲν ἐγκαλεῖ , λαβέ μοι τὴν τούτου μαρτυρίαν .ἃ τοίνυν ἤδη περὶ αὐτοῦ τοῦ μὴ εἰσαγώγιμον εἶναι τὴν δίκην δεῖ σκοπεῖν ὑμᾶς , ταῦτʼ ἀναμνήσθητʼ ἐκ τῶν εἰρημένων . ἡμεῖς γάρ , ὦ ἄνδρες Ἀθηναῖοι , γεγενημένου μὲν διαλογισμοῦ καὶ ἀφέσεως τῆς τραπέζης καὶ τοῦ ἀσπιδοπηγείου τῆς μισθώσεως , γεγενημένης δὲ διαίτης καὶ πάλιν πάντων ἀφέσεως , οὐκ ἐώντων τῶν νόμων δίκας ὧν ἂν ἀφῇ τις ἅπαξ λαγχάνειν ,
36.24συκοφαντοῦντος τούτου καὶ παρὰ τοὺς νόμους δικαζομένου παρεγραψάμεθʼ ἐκ τῶν νόμων μὴ εἶναι τὴν δίκην εἰσαγώγιμον . ἵνʼ οὖν εἰδῆθʼ ὑπὲρ οὗ τὴν ψῆφον οἴσετε , τόν τε νόμον ὑμῖν τοῦτον ἀναγνώσεται καὶ τὰς μαρτυρίας ἐφεξῆς τῶν παρόντων , ὅτʼ ἀφίει τῆς μισθώσεως καὶ τῶν ἄλλων ἁπάντων ἐγκλημάτων Ἀπολλόδωρος . λαβέ μοι τὰς μαρτυρίας ταυτασὶ καὶ τὸν νόμον .
Μαρτυρία
36.23
Μαρτυρίαι
Νόμος
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 36.21 | Dem. 36.23 (English) | >>Dem. 36.26 |
